social image

ИНЖЕНЕРСКА-ТЕХНИЧКА ПЛАСТИКА

во плочи,прачки и цевки

Полиамид - PA 6

Висококвалитетен материјал со изразито добри механички својства.

Густина од 1,14 г/цм3, модул на еластичност 1600Н/мм2, трајно статичко оптеретување 12 Н/мм2.

Се карактеризира со висока цврстина, жилавост на удар, отпорност на абење. Се користи во многу случаи како замена за метали.

Примена: за изработка на машински делови-запчаници, ланчаници, клизни шини и водилки, тркала,пиксни.

Полиамид + МоS2 - PA6+MoS2

Полиамид со фини честички на МоЅ2 ( молибден бисулфат) кои ја зголемуваат издржливоста и отпорноста на триење, без да се намали механичката отпорност и ударната сила.

Се користи за изработка за запчаници, чаури, вентили и електроизолациони компоненти.

Полиацетал - POM

Овој материјал се карактеризира со солидна механичка цврстина, одлични анти-фрикциони својства и занемарлива апсорпција на вода.

Се употребува за изработка на запчаници, чаури, клизни елементи, делови за пумпи и опрема за работа под вода.

Специфична тежина 1,4 г/цм3.

Полиедередеркетон - PEEK

Полиедередеркетон ( PEEK ) е уникатен термопластичен материјал кој нуди одлична хемиска компатибилност, отпорен е на нафта, нафтени деривати и масла.

Неговата специфична тежина изнесува 1,31г/цм3.

Деловите изработени од ПЕЕК инженерската пластика издржуваат работна температура до 260°C, притоа покажуваќи голем степен на механичка отпорност, па затоа често се користи во средина каде има врела вода или пареа.

Материјалот спаѓа во рангот на оние со висока цена, но искуствата покажуваат дека, инвестицијата во делови кои се полесни, посилни и со подолг рок на траење во тешки околности, секогаш се исплати.

Tефлон - PTFE

Тефлонот има одлични механички, термички, хемиски и електроизолациони својства, со специфична тежина од 2,18 гр/цм3 и отпорност на температура од -200°C до +250°C.

Карактеристичен е по тоа што е отпорен на сите скоро сите хемиски соединенија, со што нуди можност за примена во хемиската, електро, машинската, прехрамбената, фармацевтската индустрија, црната и обоена металургија, за изработка на заптивки, лежишта, електро и топлотни изолатори.

Полиетилен - PE

Полиетиленската пластика е добра комбинација на цврстина, мехнаичка способност за амортизација, отпорност на абење, абразија и лесно може да се заварува.

Специфичната тежина на овој материјал е 0,98гр/цм3.

Главно се користи во прехрамбената индустрија, но има широк спектар за употреба во механички, хемиски и елетрични апликации.

Полиепропилен - ПП

Полипропиленот поседува ниска специфична тежина 0,9 гр/ цм3, поволни механички својства, одична постојаност на температура до 90°C и хемиски соединенија.

Се применува за изработка на машински делови, особено во хемиската индустрија заради одличната отпорност од хемикалии.

Поливинилхлорид - ПВЦ

Поливинилхлоридот спаѓа во групата на обични пластики.

Има ниска температурна издржливост до 60°C, но одлични карактеристики при контакт со хемиски соединенија и при заварување.

Не се користи за изработка на делови кои треба да поднесат механичко оптеретување. Специфична тежина 1,44 гр/цм3.

Погледнете ја брошурата


Дознајте повеќе за нашите производи и решенија. Отворете ја брошурата и разгледајте го нашиот комплетен асортиман.